Лилит Мазикина (gipsylilya) wrote,
Лилит Мазикина
gipsylilya

Category:
- Мэ тут на джинав,
на сан мири дай,
сан парны гаджи,
отъячь мандыр, отъячь.
Кай угыя мри дай?
Ёй мангэ ячядя шпэры,
ёй чурдыя кашторэ по дром,
соб мэ ла тэ дотрадав.
Мэк ман!
Мэ поджяв пир о дром,
кай пэталэ до прахо
вычиндя буквицы пала мандэ.
Мирэ датэ якха калэ,
и бала калэ,
и ушта калэ,
а тутэ якха синя,
бала жолта,
ушта розова,
на сан мири дай!
Кай ту ман лыджяс?
Шунэс, шунэс, рома баган?
Ёнэ свэнко кэрэна,
бравинта пьяна,
гэрэнца кхэлэна.
Мэк ман, мэ поджяв кэ рома.
Сом бокхало,
камам по свэнко.
Уй!
Дэвла!
Хасиём!
Со за громо?
Кацыр о громо?
Состыр рома на баган кана?
Гаджи, палсо ту ровэс?
Tags: кали траш, мои стихи, цыганский язык
Subscribe

  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 9 comments